თვითმმართველობის არჩევნებში კენჭისყრა მოქალაქეს 21 წლიდან ასაკის შეუძლია
|
|
2010 წლის 08 02, ორშაბათი - 13:54
|
ადგილობრივი თვითმმართველობის წარმომადგენლობითი ორგანოს - საკრებულოს წევრად გახდომა 21 წლიდან ასაკის მოქალაქეს შეუძლია. სავალდებულოა, რომ საკრებულოს წევრობის კანდიდატი ბოლო 10 წლის განმავლობაში საქართველოში ცხოვრობდეს.
საკრებულოს არჩევნებში მონაწილეობის უფლება აქვს პარტიას, საარჩევნო ბლოკს და საარჩევნო ბლოკის მიერ წარდგენილ კანდიდატს, რომელიც შესაბამის საარჩევნო კომისიაშია რეგისტრირებული.
საარჩევნო კოდექსის თანახმად, საკრებულოს არჩევნები 4 წელიწადში ერთხელ ტარდება. მას საქართველოს პრეზიდენტი ნიშნავს საკრებულოს უფლებამოსილების ვადის გასვლამდე არაუგვიანეს 60 დღისა.
საკრებულოს უფლებამოსილების ვადაზე ადრე შეწყვეტის შემთხვევაში 45 დღის ვადაში ტარდება საკრებულოს რიგგარეშე არჩევნები.
ადგილობრივი თვითმმართველობის წარმომადგენლობითი ორგანოს ახალი შემადგენლობის უფლებამოსილება იწყება, ხოლო ძველისა წყდება ახალარჩეული საკრებულოს პირველი შეკრებისთანავე.
|
|
|