დაპირების მიუხედავად 2000 წელს დაზარალებული გლეხები საურავისგან არ გათავისუფლებულან
|
|
2010 წლის 09 02, სამშაბათი - 12:45
|
კახეთის რეგიონში 2000 წლის ზაფხულში გვალვის შედეგად დაზარალებული გლეხები მიწის გადასახადის და მასზე დარიცხული საურავის გადახდისგან, კანონში ცვლილების შეტანის შემდეგ 2009 წელს უნდა გათავისუფლებულიყვნენ – საკანონმდებლო ორგანოს დაპირების მიუხედავად ეს პროცესი ჯერ არ განხორციელებულა.
ინიციატივა კახელმა დეპუტატებმა გასულ წელს პარლამენტის წინაშე დააყენეს და კანონში ცვლილებების შეტანა ითხოვეს.
როგორც რადიო „ჰერეთს“ დედოფლისწაროს მაჟორიტამა დეპუტატმა ავთანდილ ლეკაშვილმა განუცხადა, არასწორად დარიცხული საურავები ფერმერებს მართლაც ჩამოეწერება, თუმცა როდის მოხდება ეს პროცესი ვერ აკონკრეტებს.
„მიწის გადასახადის ძველი დავალიანების ჩამოწერა არ იგეგმება, მოხდება მხოლოდ გადასახადზე არასწორად დარიცხული საურავის ნაწილობრივ გაუქმება, რომელიც მაშინდელმა ხელისუფლებამ უკანონოდ დაარიცხა ფერმერებს. საუბარია 2005 წლის 1 იანვრიდან დღემდე პერიოდზე“, – განაცხადა ავთანდილ ლეკაშვილმა.
კანონში ცვლილების შეტანის შემდეგ დაზარალებული ფერმერები დაგროვილი დავალიანების გადახდისგან გასულ წელს უნდა გათავისუფლებულიყვნენ.
გვალვის შდეგად 2000 წელს კახეთში ყველაზე მეტად დედოფლისწაროსა და ს იღნაღის რაიონი დაზარალდა.
|
|
|