პრეზიდენტის ინიციატივითა და კულტურის სამინისტროს მხარდაჭერით 2010 წლის 16-23 ოქტომბერს თელავში კამერული მუსიკის საერთაშორისო ფესტივალი  „ქება ვაზისა“ ჩატარდება.

ფესტივალი, რომელიც უკანასკნელად 1994 წელს ჩატარდა,  კვლავ ყოველწლიური იქნება და ტრადიციულად მას სათავეში ცნობილი  ქართველი პიანისტი, ფესტივალის დამაარსებელი ელისო ვირსალაძე ჩაუდგება. 
 
ტრადიციულად, ფესტივალში მონაწილეობას მიიღებენ, მსოფლიო დონის შემსრულებლები, აღდგენილი ფესტივალის სიახლე კი ფესტივალის ფარგლებში ახალგაზრდა მუსიკოსებისა და შემსრულებლებისთვის ღია გაკვეთილების და მასტერკლასების ჩატარდება იქნება.

ამჟამად თელავში სპეციალურად ფესტივალისთვის მიმდინარეობს ინფრასტრუქტურის მოწყობა. ძირითად საფესტივალო სივრცეს: თელავის სახელმწიფო დრამატული თეატრი და თელავის ორი სამუსიკო სკოლა წარმოადგენს.