სოფლის მეურნეობის სამინისტროს სურსათის უვნებლობის, ვეტერინარიისა და მცენარეთა დაცვის ეროვნული სამსახური გურჯაანის რაიონში ქათმის ჭირის გავრცელებას უარყოფს.

როგორც კახეთის საინფორმაციო ცენტრს ვეტერინარიის სამსახურიდან აცნობეს, გურჯაანის რაიონში ქათმების დახოცვა ნამდვილად დაფიქსირდა, თუმცა მას მასობრივი ხასიათი არ ჰქონია. „მოსახლეობას ვეტერინარიის სამსახურის გურჯაანის რაიონული სამმართველოსთვის არ მიუმართავს, თუმცა სამსახურის ვეტერინარებმა სოფელ ჭანდარში დახოცილი ფრინველის ნიმუშები მაინც აიღეს, რომელიც კვლევისთვის ლაბორატორიაში გადაიგზავნა. შედეგები მალე იქნება ცნობილი, რის შემდეგაც ვეტერინარი ექიმები ადგილობრივ მოსახლეობას დაავადების თავიდან ასაცილებლად რეკომენდაციებს გაუწევენ“, - განაცხადეს ვეტერინარიის სამსახურში.

სპეციალისტების განცხადებით, ფრინველის ჭირი განსაკუთრებით საშიში დაავადება არ არის და მის წინააღმდეგ ღონისძიებები სახელმწიფო პროგრამით არ ფინანსდება.