რომში ხელი მოეწერება “ორმხრივ შეთანხმებას დანაშაულის წინააღმდეგ ბრძოლაში თანამშრომლობის შესახებ”.
|
|
2010 წლის 10 03, ოთხშაბათი - 21:28
|
11 მარტს დაგეგმილია საქართველოს შინაგან საქმეთა მინისტრის ვანო მერაბიშვილის ვიზიტი იტალიაში, რომლის განმავლობაში მინისტრი შეხვდება თავის იტალიელ კოლეგას, მინისტრ რობერტო მარონის. ვიზიტი შედგება 2010 წლის პირველ ნახევარში ორი ქვეყნის მთავრობებს შორის ორმხრივი შეხვედრების ინტენსიური პროგრამის ჩარჩოებში, რომელიც თებერვალში ქ. რომში მინისტრების გრიგოლ ვაშაძისა და გიორგი ბარამიძის ვიზიტებით დაიწყო .
მხარეთა შეხვედრის განმავლობაში ხელი მოეწერება ახალ ორმხრივ შეთანხმებას “დანაშაულის წინააღმდეგ ბრძოლაში თანამშრომლობის შესახებ”, რომელიც გააძლიერებს თანამშრომლობას დანაშაულის თავიდან აცილებაში, გამოძიებაში, გახსნასა და აღკვეთაში, განსაკუთრებით, ორგანიზებულ დანაშაულთან, ტერორიზმთან, ადამიანებით ვაჭრობასთან, ფულის გათეთრებასთან, უკანონო მიგრაციასა და კომპიუტერულ დანაშაულებთან დაკავშირებულ საკითხებში. ეს შეთანხმება ითვალისწინებს ისეთი სრულყოფილი მექანიზმების შექმნას, როგორიცაა ინფორმაციის გაცვლა და ინფორმაციის მუდმივი განახლება.
გარდა ამისა, ორი მინისტრი განიხილავს პოლიციის თანამშრომლობასთან და პოლიციის ექსპერტების ტრენინგებთან დაკავშირებულ საკითხებს.
|
|
|