უკრაინის ცესკომ ბიულეტინების 99 პროცენტი დაითვალა, შედეგები, რომელიც ამ დროისთვის არის ცნობილი, ექსპერტთა შეფასებით საბოლოოა და მნიშვნელოვნად აღარ შეიცვლება - 48,81% იანუკოვიჩს და 45,61% იულია ტიმოშენკოს - ასეთია  უკრაინის საპრეზიდენტო არჩევნების მეორე ტურის შედეგები.  იულია ტიმოშენკო კონკურენტის გამარჯვებას არ აღიარებს და მესამე ტურის ჩატარების ითხოვს, დღეს დანიშნულ რადას სხდომაზე, მოქმედი პრემიერი სიტყვით გამოვა და ზუსტად ამის შემდეგ გახდება ცნობილი იუშენკოს პროტესტი - ქუცის აქციებში გადაიზრდება თუ მხოლოდ სასამართლო დავით შემოიფარგლება, რომელსაც პრემიერმინისტრის იურისტებმა, უკვე მიმართეს და გაყალბებული უბნების გაუქმება მოითხოვეს. იულია ტიმოშენკო აცხაებს, რომ იანუკოვიჩის მომხრეებმა არჩევნების პროცესი და შედეგები ტოტალურად გააყალბებს და მესამე ტურის დანიშვნას მოითხოვს, თუმცა საერთაშორის ორგანიზაციის დამკვირვებლები არ ეთანხმებიან და აცხადებენ, რომ მცირედი დარღვევების მიუხედავად, დემოკრატიული არჩევნები შედგა და პრემიერ-მინისტრს დამარცხებასთან შეგუებისკენ მოუწოდებენ. ექსპერტები აცხადებენ, რომ ტიმოშენკოს პროტესტი ქუჩის აქციებში რომც გადაიზარდოს, მაშტაბურ სახეს ვერ მიიღებს და ვერც არჩევნების შედეგებს შეცვლის, ამის უმთავრეს მიზეზად, ”ნარინჯისფერი რევოლუციის” დისკრედიტირებულ ავტორიტეტს და მოსხლეობაში ქუჩის გამოსვლებისადმი უარყოფით განწყობას ასახელებენ. უკრაინის ახალი პრეზიდენტი, იანუკოვიჩი კი გამარჯვებას უკვე ზეიმობს და ახალი მთავრობის სავარაუდო კანდიდატებსაც ასახელებს, როგორც ცნობილია, იანუკოვიჩის ხელისუფლება იულია ტიმოშენკოს ”დასასვენებლად” უშვებს, თუმცა უკრაინელი პოლიტიკოსების შეფასებით, ქალი რომელსაც ნახევარი ნაბიჯი დააკლდა პრეზიდენტობამდე, სახლში კი არა ოპოზიციაში წავა და შემდეგ საპრეზიდენტო არჩევნებამდე, როდესაც ტიმოშენკოს პრეზიდენტის პოსტის დასაკავებლად ბევრად დიდი შანსი ექნება, იანუკოვიჩის სიცოცხლის გამწარებით დაკავდება.