თელავის საგადასახადომ ათეულობით მოვაჭერე 500-500 ლარით დააჯარიმა
|
|
2010 წლის 10 03, ოთხშაბათი - 16:09
|
დღეს თელავის საგადასახადო ინსპექციამ სამრეწველო ბაზრის ათეულობით მოვაჭრე 500-500 ლარით დააჯარიმა. საგადასახადოს თანამშრომლები ამის მიზეზად სალარო აპარატების არქონას ასახელებენ. მოვაჭრეების განცხაებით, კი ისინი არაკანონიერად დააჯარიმეს, ვინაიდან, ვაჭრობისას სალარო აპარატების სავალდებულო გამოყენების შესახებ, წინასწარი გაფრთხილება არ მიუციათ. თავად საგადასახადოს თანამშრომლები ჟურნალისტებთან კომენტარს არ აკეთებენ. დაჯარიმებული მოვაჭრეები დღესვე კახეთის სამხარეო ადმინისტრაციის შენობასთან საპროტესტო აქციის გამართვას გეგმავენ. მათი განცხადებით, თუ ბრძანებები დაჯარიმების შესახებ არ გაუქმდება, აქციები პრეზიდენტის ადმინისტრაციასთან გადაინაცვლებს.
|
|
|